ATOME - NO INTEREST IF YOU PAY YOUR LOAN ON ECQ

Share:
Masasabi kung isa ang Atome sa pinakamagandang Online Lending App matapos itong makiisa sa Republic Act 11469 o "Bayanihan to Heal as One" Act na ipinatupad ng gobyerno habang tayo ay nasa ilalim ng Enhance Community Quarantine. By the way, nakalimutan ko pa lang i-share sa inyo dito sa USAPANG PERA ang desisyon ko last March 08, 2020, a week before Lockdown o Enhance Community Quarantine.

Sinunggaban ko yong Credit Limit ko kay Atome na P15,000. Well, almost all of my loan history kay Atome ay nasa P1,000 to P2,000 lang pero dahil nakasampung ulit na akong nag reloan sa kanila at good payer naman ako, kaya iyon siguro ang dahilan kung bakit binigyan ako ng mataas na credit limit. Kaya sinubukan ko ito i-avail noong March 08. Kulang-kulang 2 minutes, nasa GCASH account ko na yong P15,000 na inutang ko sa kanila.

Ang pinakamaganda sa lahat, babayaran ko ito ng dalawang buwan. Kung ang buong akala natin na 7 days at 14 days lang ang repayment terms ni Atome, nagkakamali po kayo dahil mayron din silang 2 months at 3 months. Kaya nagulat talaga ako dahil sa binigay nila sa aking terms of repayment. Kung noon una ayaw ko pang sunggaban ito dahil nga wala naman akong pagagamitan pero sa time na iyon, mayron akong business na gustong papasukan kaya nagloan nalang ako para hindi magalaw yong existing cashflow ko sa aking offline business.


Yong P15,000 na loan ko,  ang monthly repayment ko ay P9,519.58 so ang total amount pagkatapos ng dalawang buwan ay aabot ng P19,039.16. Ang total interest na babayaran ko mula sa P15,000 loan ay P4,039.16 sa loob ng dalawang buwan. Para sa akin maliit ito kung ikompara mo sa interest ng Online Loans Pilipinas at Cashwagon. Napakalayo talaga dahil naglalaro ang interest sa dalawa ng 1% per day, ibig sabihin sa loob ng isang buwan 30% ang tutubuin ng pera nila sa kamay mo.

Samantalang ang Atome ay nasa 13.5% lang ang tutubuin nito sa loob ng isang buwan. Kung dati hindi maganda ang tingin ko sa Atome, ngayon para sa akin makatao ang interest rate nila lalo na kapag tumagal ka at good payer ang record mo sa kanila. Hindi ko talaga inaasahan na ganon ang interest computation ng Atome.

Babalik tayo sa  RA 11469 o "Bayanihan to Heal as One" Act, nakikiisa din ang Atome sa pagpapatupad nito sa kanila mga client. Agad sila nagpalabas ng NOTICE na kung magbabayad ang may utang sa kanila, they will waive the interest na pinatong nila sa kahit sinong client nila. Tulad sa akin, yong due date ko noong April 08, ang babayaran ko dapat ay P9,519.58 pero binawasan nila ito ng P3,989.46 at ang magiging new amount due ko ay P5,530.12. Sa May 08, ang remaining balance ko ay P9,519.58, ito ang babayaran ko next month. 

Ang magiging total na mababayaran ko sa kanila sa May 08, ay P15,049.70. Sa loob ng dalawang buwan, halos parehong halaga pa rin ang ibabalik ko sa kanila. Dalawang buwan na pinahiram nila sa akin ang P15,000 na halos walang tubo. Yong P49.70 ay malamang sa application at documentation nila, gumastos din naman sila kahit papano.

Halos lahat ng OLA ay naniningil pa rin nga mga utang at iilan lang sa kanila ang nagbigay ng diskwento. Ang masaklap dahil illegal ang karamihan sa kanila, patuloy pa rin ang paglubo ng kanilang interest at penalties. Marami pa rin kaming natatanggap na reklamo tungkol sa pangbubulabog ng mga collectors ng OLA kahit nasa ECQ tayo. Good thing nasa tamang OLA ako nakapasok, kasi kung hindi malamang binulabog din nila ako kahit nasa LOCKDOWN tayo ngayon.

No comments